La Usc di Ladins

L dutor Pablo Policastro ova scumencià a lauré te Gherdëina tl 2020, puech dan l lockdown, y da ntlëuta inant àl pudù se nuzé dl ambulatuere di dutores Kostner y Weber, mez tëmp a Urtijëi y mez te Sëlva. Na soluzion che fova destineda a vester mé provisora y che cun la fin de chëst ann se stluj ju definitivamënter. L Chemun de Sëlva à dan n pez nvià via i lëures per fé ite n ambulatuere nuef tl segondo partimënt dla cësa Karl Unterkircher sun Plaza Nives. Na posizion zentrela, saurida da ruvé permez y cun daujin truepa pusciblteies per lascé l auto. N nvestimënt dl’aministrazion nueva per ti vester ala mancianza de dutores de cësa sun l teritore, n udleda di pensionamënc che unirà a s’l dé ti proscimi ani.

La paroles dl prim zitadin de Sëlva, Tobias Nocker, y dl dutor Pablo Policastro deberieda cun n valguna nuviteies pudëis liejer tla edizion nueva de La Usc che vën ora n vënderdi ai 13 de nuvëmber.

Nathalie Stuffer