La Usc di Ladins

L'autëura de Puntives, Nadia Rungger, à da permò fat pea pra de plu manifestazions di Dis de Litteratura a Cuira, ti Grijons dai 6 nchin ai 8 de nuvëmber. La à prejentà si liber de poejies "cësa da lat dijes tu" che ie unì publicà permò dan puec mënsc. Daujin a chël àla nce abù l mesun de scrì na cuntia per n'antologia dal titul "Quatter linzöls ed üna taila".
Pra chësta 35ejima edizion di "Dis de Litteratura" se tràtel de na manifestazion leterera, coche nce de una per ancuntedes y surprejes. L moto de chëst ann ie "pèr a pèr". N uel nscila liejer, cunté, fé descuscions y pité l mesun de audì ujes desfrëntes, ancunté d'autra persones y n generel scuvierjer la leteratura.

La ntervista cun Nadia Rungger pudëis liejer tla edizion nueva de La Usc che vën ora n vënderdi ai 13 de nuvëmber.

Julia Lardschneider