Dai 3 nchin ai 6 de nuvëmber se àl ancuntà vint nrescidëures te Gherdëina per studië co trasfurmé i desturbs che mpedësc l funziunamënt di aparac cuantistics te na ressorsa.
Co pòssen pa trasfurmé na funtana de desturp te n strumënt de utl per la tecnologies dl daunì? Chësta ie stata la dumanda tl zënter dl "Workshop on Dissipative State Preparation", che ie stat l'ena passeda a Urtijëi. Pra l'ancunteda iel unit adalerch vint nrescidëure di Paejes Tudësc, Irlanda, Franzia, Svizra, Stac Unic, Belje y Talia. Chisc:ëstes vën da universiteies, istituc de nrescida y firmes spezialisedes tl calcul cuantistich.
Deplù n con' de chësc y la paroles de Mattia Moroder pudëis liejer tla edizion atuela de La Usc.
