La Usc di Ladins

Tl paisc d’Al Plan êl dan otedé na domënia tipica de novëmber, cun aries frësches, ciarüsc basc, les strades plü o manco ötes. Te un n post ésera indere jüda pro döt le de, y chël é tla chidlara da Runcac, olache al é gnü tigní la Gran Chidlada por uniuns, dites, istituziuns, classes y clubs dl comun de Mareo. N apuntamënt che tröc á sön le calënder. Chël án bele odü canche al é gnü daurí les iscriziuns, olache i posć a desposiziun se implî ite cun gran slöm. Insciö á ince chësc iade tut pert le numer mascim de 44 scuadres da cater porsones, cun 12 scuadres de ëres y 32 de ëi – cun danterite valgünes moscedades.
Chidlé án da doman cina da sëra. Le plü chidli á en chësc ann rosedé le patrun dla chidlara Simon Complojer, che á mazé sotissura bëgn 198 lëgns. Pro les ëres él sté Lisa Ties che á batü döta la concorënza, mazan jö 173 chidli.

Düc i resultac dla Gran Chidlada ciafëise t’La Usc di Ladins di 13 de novëmber  (pablo)