"I me tëmi deplü dal mudamënt climatich!"

Data

24 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Coronavirus: Michil Costa, ostí a Corvara, baia de "psicosa coletiva". Tl’Alta Badia á sciori desdit la vacanza, do che al é gnü fora les notizies di infetá te deplü regiuns y provinzies dl Nord y les precaziuns tutes dales aministraziuns
Öna na cossa é l’importanza y la gravité dla maratia che le coronavirus gaujëia, l’atra é la relativité dla notizia che i caji de infeziun y mort s’alza da de a de tla Talia: al é aministraziuns publiches che desdij manifestaziuns (carnevalesches y sportives) y stlüj scores y dlijies. Un o l’ater la tol ala lesiera, dijan che le coronavirus n’é nia plü cröde co d’atri virus dl’influënza. Un o l’ater vir sëgn daldöt atramënter, ajache al á tëma dal coronavirus y dales conseguënzes.

Incö danmisdé án aldí de caji che sciori á desdit la vacanza tl’Alta Badia. Chësc n’é nia de morvëia cun le panich che se desleria fora...

Baian cun l’ostí Michil Costa áldon che ël n’á ciamó al Hotel La Perla y Ladinia a Corvara albü degügn caji de desdita, o de lasciada antizipada, a gauja de tëma dal coronavirus. Ël dij che ara se trata de na "psicosa coletiva" y de panich, che n’é nia da iustifiché. Por ël é la gravité dl mudamënt climatich trö’ plü importanta y da tó en conscideraziun, al dij: "Incö da doman sunse pié ia a Lungiarü cun passa 10 grá de cialt: chësc n’é daldöt nia normal y me dá da ponsé!"

Intratan é i caji de mort dal coronavirus tla Talia ruvá a 4, passa 200 é i infetá desmostrá.

 (Iaco Rigo)