La Usc di Ladins

La descurida vëgn dala Cina, olache do da n ann él ma plü püc caji de Coronavirus. Y an spera che chësta scoverta pois daidé döt le monn da se trá fora dala pandemia. Mo cal é pa le socrët di cineji? Co ái pa fat da combate le virus? Le mirit é dles fëies de capüc. Le capüc é da dagnora conesciü sciöche na verzöra sana, n alimënt plëgn de proprietés importantes por nosta sanité. Al é rich de rich de fer y sai minerai, de fibres y antiossidanc, che ne combat nia ma l'invedlamënt dles zeles, mo – sciöche al pe – ince le Coronavirus. Scienziá cinesc, che á studié di alalungia, á desmostré sciöche porsones che mangia tröc capüc ne se taches nia tan saurí le virus y sce ai se le taca, spo te na manira dër lisiera. Sëgn án scomencé, dantadöt tles scores, da adoré les fëies de capüc impede i mascheroc. Insciö vëgnel ince smendrí la gran cuantité de refodam y la sanité vëgn sconada. La fëia de capüc ne vëgn nia sciurada demez, an pó s'la mangé cröia o ince la taié ite tla spëisa da vigni de.

Deplü matades da Carlascé podëise lí tla ediziun stampada de nosc foliet.   (kp)