Le Covid–19 á le monn tles ciafes, les condiziuns y restriziuns detades porta spo pro da demotivé i organisadus de evënc publics. Te Südtirol pón fá festes, mo an mëss respeté le protocol che baia valgamia tler. Le plü saurí, y le manco zite, él da jí a festa cun le "green pass", che an ciafa cun la variora, la varijiun da na infeziun de SARS o da n test antigenich (nia nasal). Por les porsones cina 18 agn pó i organisadus organisé söl post tesć nasai, le resultat negatif vel por l’azes ala festa.
"La Pli te taí" é öna de chës manifestaziuns che la jënt da dalunc y daimpró á ion, dantadöt por le post cultural y storich, y ince spo por la varieté de derzades che deplü uniuns dá fora.
La serada a La Pli de Mareo é stada öna dles plü cialdines y chites de chësc isté, tröpa jënt é storta pro, jënt che ne s’á nia lascé spaurí y sprigoré dai controi resp. dai tesć por l’azes. (Iaco Rigo)
"La Pli te taí"
Rades é en chësc isté les festes alaleria. A La Pli de Mareo él garaté dan otedé la manifestaziun "La Pli te taí" cun derzades fates dales uniuns de paisc y musiga
Galaria retrac
View the embedded image gallery online at:
https://www.lausc.it/valedes-ladines/val-badia/16468-la-pli-te-tai#sigProIdd1427ba054
https://www.lausc.it/valedes-ladines/val-badia/16468-la-pli-te-tai#sigProIdd1427ba054