La Usc di Ladins

Inier, domënia ai 26 de setëmber é les fraziuns da La Ila y San Ciascian gnüdes cherdades a lité i mëmbri dl consëi de aministraziun. Por la fraziun da La Ila á lité 925 litadus, por chëra da San Ciascian 657. I candidac y les candidates che á ciafé le plü usc, gnará sëgn cherdá ite dal Comun; ai gnará damaná sce ai tol sö l'inciaria da sté ite tl consëi, che sará metü adöm da indöt cin' mëmbri. I inoms di mëmbri dl consëi d'aministraziun dles döes fraziuns gnará mená inant ala Provinzia, che dará fora n decret por inciarié le comité, che nominará spo a so intern le presidënt. Les zetoles é gnüdes cumpedades fora la domënia sëra. I cin' candidac che á ciafé lles plü usc a La Ila é Aldo Bernardi (82 usc), Enrico Zona (82 usc), Albert Pizzinini (66 usc), Claus Fistill (66 usc) y Freddy Ploner (61 usc). A San Ciascian é i candidac che á ciafé les plü usc Thomas Pescollderungg (22 usc), Andrea Pertot (18 usc), Andreas Vittur (17 usc), Toni Wieser (9 usc) y Stephan Clement (8usc). Düc i resultac pon lí sön la tofla ofiziala dl Comun de Badia a chisc links https://www.comune.badia.bz.it/it/Elezione_del_comitato_di_amministrazione_della_Frazione_B_U_C_di_LA_VILLA y https://www.comune.badia.bz.it/it/Elezione_del_comitato_di_amministrazione_della_Frazione_B_U_C_di_SAN_CASSIANO  (kp)