La Usc di Ladins

La Musiga d’La Pli de Mareo á albü de gragn mudamënc y cotan de svilup tratan la surastanza de Martin Rigo, metüda man püch do l’ann 2000 (dl 2001): tröc jogn y tröpes jones á arbassé intratan l’eté mesana dla Musiga d’La Pli cina sot i 30 agn, le local tla Ciasa dles Uniuns á dan na desëna de agn messü gní ingrandí por ti dé lerch ai passa 50 musicontri y musicontres.
Aldedaincö cumpëda la Musiga d’La Pli avisa 63 mëmbri, tuc ite le portabandira y les margatënteres. Dirighënt é da feter trëi agn incá Fabian Taschler de Puster, che á porté ite aries nöies dantadöt por le repertore.
I ultims dui agn é stá sfadiusc – sciöche pro vigni uniun culturala te nüsc raiuns. La cultura é gnüda arferada daldöt tres les restriziuns dla pandemia. Püces y degünes n’é stades dan dui agn les proes, püces chëres dl ann passé – y chëstes te condiziuns improvisades daldöt nia otimales, che á altamo dé la poscibilité a La Pli dl conzert tan aprijé dan Gnissant.

Liéde deplü tla ediziun atuala y nöia de La Usc di Ladins!