La Usc di Ladins

Porsones, paisc, cités y firmes de döt le monn destodará insnöt dales 20:30 por n'ora les löms. Ara se trata de na aziun por sensibilisé ala pesc, ala proteziun dl clima, che vá a sostëgn de nosta Tera.

Ince le comun de Badia tol pert ala „Earth Hour“ sciöche sëgn de solidarieté por öna dles plü gran aziuns globales por la proteziun ambientala y climatica. En sabeda ai 26 de merz gnará porchël l'ilominaziun dl comun de Badia – che é comun clima d'arjënt - destodada por n'ora alalungia, dales 20:30 cina les 21:30. Al vëgn invié ince la popolaziun da tó pert ala scomenciadia y destodé les löms insnöt, por n'ora, por le dagní de nosta tera. Plü informaziuns sön la „Earth Hour“ pon ciafé a chësc link: http://www.oradellaterra.org/   (em/kp)