La Usc di Ladins

Impröma ó la Provinzia cumpedé avisa tan de lec por ghesć che al é te Südtirol. L’assessur provinzial al turism Arnold Schuler á dit de chësc vers che al é compit dl Comun da cumpedé i lec sön so teritore. Le regolamënt aprové en mertesc dij che la cumpedada se referësc ala situaziun dl de 31 de dezëmber 2019. Cina ai 31 de merz 2023 pól gní damané do n aumuent di lec por ghesć, sce les condiziuns é dades. I eserzizi che á daurí dal 1. de jená 2020 incá y á alzé dedô le numer de lec pó cumpedé chisc lec lapró ala lizënza. Por les plazes da camping vëgnel cumpedé 3 lec por vigni post da campé (p.ej. por vigni camper).
Fin dla cumpedada él da ciafé fora avisa le limo che dá dant avisa tan de lec por ghesć sura i 14 agn che vigni comun á da gestí tl dagní.

Liede inant deplü tla edizun atuala de La Usc di Ladins!