La Usc di Ladins

La festa á bele scomencé la sabeda canche al é gnü inforní sö l’entrada de dlijia y le mone ti á dé n ton da festa ala dlijia ince daite. Tröpes ciases é da sëra gnüdes ilominades cun trasparënc, löms y ciandëres y i stödafüch á fat n bel caresc tl pre ia Cianins, che á vardü cina tert tla nöt. La domënia s’á düc abiné dan calonia por tó ite y saludé siur degan (i atri proi n’á baldi nia sciafié da gní) da pert dl cor de dlijia y por jí en prozesciun - acompagná dala musiga y dai confaruns – devers dla dliijia, olache Elias y Giulia á dit sö na bela picia rima por l’ocajiun. Le salüt ofizial ai iubilars proi y de matrimone ti é gnü sport dal presidënt dl consëi de cöra Lois Kastlunger che á alzé fora la ligrëza y i sforc che düc mess fá por resté sön le tru ch’an á chirí fora. La fedelté ala vocaziun da prou y da om y fomena n’é nia dé por sigü y porchël é chësc n momënt preziuns da rengrazié y laldé le Signur.

Deplü tla ediziun atuala d'La Usc di Ladins.   (kp)