"Gott grüße dich", mëda Metilde
En mercui ai 23 de novëmber é jüda a ciasa dal Pere mëda Metilde Frontull vëd. Vollmann da La Pli. Ara â 108 agn
Al é sté n iade lunch sön chësta tera, chël de mëda Metilde Frontull vëd. Vollmann da La Pli de Mareo. Metilde dal Moradú ê nasciüda ai 12 d’otober dl 1914, ciamó sot l’Impêr austroungarich. En mercui ai 23 de novëmber s’á süa vita destodé ia cun la eté straordinara de 108 agn. Ai familiars ti fajunse les condolianzes plü sintides, y che mëda Metilde pois sëgn palsé tla pêsc de Chël Bel Dî. La sopoltöra sará chësta sabeda ai 26.11. dales 10:00, a La Pli. Do n tru tan lunch y implí sön chësta tera, ti consintiunse n bun iade cina ala ciasa dal Pere. Y i le fajun cun chë aodanza che mëda Metilde á instëssa cianté na vita intiera: "Gott grüße dich". (pablo)
Galaria retrac
View the embedded image gallery online at:
https://www.lausc.it/valedes-ladines/val-badia/21741-gott-gruesse-dich-meda-metilde#sigProId08afef2a4e
https://www.lausc.it/valedes-ladines/val-badia/21741-gott-gruesse-dich-meda-metilde#sigProId08afef2a4e