La Ila ará na scolina nöia

Data

02 de fauré 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chisc dis él rové la buna noela che le Comun de Badia ciafará i finaziamënc PNRR por fá sö danü la scolina da La Ila. I laurs podess scomencé bele en chësc altonn
An baia bele dal 2020 incá, te Consëi de Comun de Badia, dl gran debojëgn da dortoré la scolina da La Ila. Cina sëgn manciâ i finanziamënc, mo chisc dis él rové la buna noela che le Comun ciafará 4 miliuns y 200 mile euro dai fonds PNRR por fá sö danü la strotöra. Le PNRR se damanâ indere che la scolina toless ite ince d'atri sorvisc por l'infanzia y porchël â le proiet messü gní adaté. Le proiet preliminar, che ê gnü presenté al Consëi l'ann passé de merz, prevëiga na strotöra multifunzionala che á, dlungia la scolina, ince na seziun por la Ciasa di Pici; chësc sorvisc vëgn bele pité a Badia, mo chiló é i posć é gonot limitá y ne basta nia. Implü ón ince fá sö na palestra y na mensa che podará gní anuzades dai scolars y dales scolares dla elementara. Le proiet ê gnü dër aprijé dai aconsiadus y che l'â al'unanimité. Sëgn gnaral laure fora, cun la speranza da podëi mëte man cun i laurs bele iniann da d'altonn.

I ti un fat n valgönes domandes al ombolt de Badia, Iaco Frenademez. I podëis lí l'intervista tla ediziun stampada de nosc foliet che vëgn fora en vëndres ai 3 de forá.   (kp)