La Usc di Ladins

La munt á dagnora albü na fascinaziun particolara por la jënt de nüsc paisc. Na fascinaziun che vá inant cina incö y che apascionëia tres plü porsones. Chësc vëigon ince sce an ti ciara ai dac dla Lia da Munt Ladinia – Val Badia, che cumpëda daimpró da duimile mëmbri, feter le 20% dla jënt de nosta valada. Al ê ai 23 de setëmber dl 2012 che la Lia da Munt Ladinia gnô metüda sö ofizialmënter, tres na "fujiun" danter la Lia da Munt La Val, la Lia dai Crëp Mareo y le CAI Val Badia. Na dezijiun plü che atocada, arata Fortunato Flatscher de Badia, che é sté le pröm y cina sëgn le su presidënt dla lia unificada. Ai 15 d’aurí, en gaujiun dla sentada generala tla palestra da San Martin, gnarál lité danü le diretif y "Nato" dará jö la inciaria. Al é ora da lascé fá i jogn, é süa convinziun.

La intervista cun Nato Flatscher podëise lí t’La Usc di Ladins dl 31 de merz, olache al nes cunta co che la fujiun é garatada, co che le numer de mëmbri é chersciü, mo ince dl bojëgn che la Lia da Munt lasces aldí tres deplü süa usc por sconé la contrada.  (Intervista: Pablo Palfrader)