La Usc di Ladins

La surandada di dui pesć, che ti é dedicá a Claus Gatterer, gareta tres la vizepresidënta dla Junta provinziala Waltraud Deeg che tolará ite en chësc ann la funziun dl assessur provinzial Philipp Achammer. La festa de surandada sará ai 1. de jügn, jöbia, daöes 17:00, tla Ciasa Sexten tl Sest (str. Dolomites 45).
Pro la surandada di pesć ai 1. de jügn onorará le Presseclub Concordia y la Sozieté Michael Gaismair Balsan cun le sostëgn dl Comun dl Sest la jornalista südtiroleja Daniela Prugger cun la "onoranza por n jornalism ezezional tl recort de Claus Gatterer". Le pest jornalistich ciarié cun 10.000,00 Euro pó pié do Prugger por süa "reportaja ampla y valorosa dal'Ucraina". La laudatio por chësta reconescënza Gatterer 2023 tignará le prof. Günther Pallaver.
Tla cornisc dla surandada dl pest vëgnel ince dé fora le "Pest de scora Claus Gatterer por laurs jornalistics". Fin dl pest jornalistich por i scolars é da sensibilisé les porsones jones por temesc soziai y coraje zivil, da onoré sü laurs jornalistics y i publiché. Le pest dla scora é n proiet comunitar dla Unité Scolastica de Puster, dla Seziun Pedagogica dla direziun de formaziun dl Südtirol, dl Comun dl Sest y dl ORF.