La Usc di Ladins

En mertesc ai 23 de ma, cun na ferata tocia y plëna de jënt, sunse stá a Balsan, por ti ciaré al Consëi provinzial. Le program de Educaziun zivica de chësc ann nes mët dant da conësce les istituziuns publiches y les formes desvalies de guern y de aministraziun de nosc teritore. Porchël á i insegnanc Michaela Willeit y Patrick Prinoth organisé n iade a Balsan, y por pröma cossa sunse stá a ti ciaré ala sënta dl Consëi provinzial. En chël de ne êl baldi degöna sentada a chëra che i esson podü ciaré pro, mo al nes é gnü mostré n video che nes á cunté en cürt la storia dl’autonomia de Südtirol y nes á splighé les funziuns di organs politics y aministratifs de nosta Provinzia. Mo nosc iade danter les istituziuns â impormó metü man. Deache defata dedô unse albü la poscibilité da jí tla sënta dl’Intendënza ladina, olache i ún incunté Edith Ploner, l’intendënta dles scores ladines de nosta Provinzia. Tl local dla biblioteca nes ara cunté de süa funziun dirigenziala y á splighé les ativités dl’Intendënza: chirí y tó sö maestres y maestri por les scolines y les scores ladines, ti pité tresfora cursc de formaziun, arjigné ca material didatich, paié i insegnanc, y garantí che vigni scora ais les ressorses por funzioné indertöra. L’intendënta á spo damané a vignun de nos ci che i un intenziun da fá, do l’ejam de Stat che i messarun tosc fá, a mez jügn, y nes á ofrí na buna picia marëna.

Liéde iannt deplü tla ediziun de La Usc di Ladins da dodoman, jöbia al 1. de jügn 2023!