La Usc di Ladins

LA USC: Do 4 agn de chît: ciun épa sté l’impuls che á fat indô pié ia döt?

Peter Alfreider I orô porvé da fá indô n conzert por odëi sce al ê ciamó interes da pert di jogn. Da pert de jënt de mia eté sán bëgn che al é interes, ajache ara nen vá dla musiga de chë generaziun. Mo di jogn ne êi nia plü sigü. Oramai ascuta gran pert di jogn tecno canche ai vá a fá festa. Chësc n’ê dan diesc agn nia insciö. Inlaota ênse düc cuntra le tecno, i orôn ma rock, chiló a Badia suradöt. Mo sëgn é la normalité chëra. Indere en chësc ann ái albü na bela conferma: i á odü zacó tan de jogn dan paladina che ciantâ para les cianties di Queen. Ai les savô dötes adamënz, chël che nos ne savôn intësc nia, nos che i minân da ester i gragn fans – deperpo no. Y chësc m’á fat n gran plajëi y m’á fat gní vëia da organisé inant conzerc cun d’atres sorts de musiga, ciodí che al ó ince ester chël. En chësc ann unse albü tröpes reaziuns posi­tives, al é gnü tröpa jënt y ara é jüda bun, porchël pói dí cun na sigüda che en ater ann gnarál indô organisé.


Liede deplü tla ediziun nöia di 25 d'agost!