La Usc di Ladins

Emportant él da dí che la scuadra á debuté, y che l’esperionza de na secunda scuadra dal Mareo é piada ia. Avëi na secunda scuadra dá deplü poscibilités: da lascé soghé düc i enteressés y dandadöt i jogn co pó se fá ensciö i osc por le gran ciamp, ma gran scuadra y en campionat amatorial co röa ince tai paisc foradecá.
La partida da en sabeda n’á endere nia porté le resultat positif por i marei, con trëi goi a zero n’él nia massa da braé. I goi é tomés tosc: al 9’ da dalunc con na trata sëcia de Jakob Daverda, al 36’ le radopl con Gabriel König y spo tal secundo tomp al 65’ con Reinhold Stoll.
Le Mareo B á fat en per de bones aziuns, dandadöt söle 0 a 1 essel podü segné, mo ara n’á nia orü ester.
La scuadra da Valdaura vën danter l’ater alenada da en ex sogadú dal Rina: Karl Heinz Pedevilla, co á na gran esperionza da alené scuadres amatoriales te nüsc raiuns y vëga atira olache la scuadra aversara á deblëzes y loces por sbroché dan porta y segné – ci co cunta ala fin.
Tla scuadra dal Mareo B á podü soghé por le pröm iade te na categoria amatoriala deplü jogn, y cösc é le dagní sön chël che i dui alenadus Albert Castlunger y Patrick Costabiei mët le dagní.

Mareo B–Valdaura  0–3

Formaziun Mareo B: 1. Alex Daverda, 2. Richard Comploi, 3. Alan Ellecosta, 4. Mike Kaneider, 5. Radames Dal Molin, 6. Thomas Castlunger – capitan, 7. Fidelis Ploner, 8. Patrick Rubatscher, 9. Mattia Mutschlechner, 10. David Willeit, 11. André Ties
Alenadus: Albert Castlunger y Patrick Costabiei