La Usc di Ladins

Indöt 200 studëntes y studënc á stlüt jö chisc stüdi:
- Laurea te Educaziun soziala
- Laurea te Sorvisc Sozial
- Laurea te Sciënzes dla Comunicaziun y Cultura
- Laurea magistrala te Sciënzes dla Formaziun
- Laurea magistrala te Linguistica Aplicada
- Laurea magistrala te Musicologia
- Laurea magistrala te Inovaziun y Inrescida por i Intervënc sozio-assistenziai-educatifs
- Dotorat te Pedagogia generala, Pedagogia Soziala, Didatica generala y Didatica disciplinara
En rapresentanza di studenti á la neo-doturia Laura Marcon (Sciënzes dla Comunicaziun y Cultura), recordé te so discurs i agn de formaziun y de chersciüda personala passá tl campus da Porsenú. Ghest d’onur dla zerimonia dan otedé é stada l’assessura comunala Monika Leitner.
La zerimonia de surandada di diploms s’á stlüt jö cun l’intonaziun dl inn “Gaudeamus igitur” (conscidré l’inn universitar internazional) y l’alzada tradizionala dla ciüria.

„La surandada di diploms tl zënter dla cité - tla Hofburg – simbolisëia le lian sterch cun Porsenú”, á sotrissé le degan, prof. Paul Videsott, tratan la zerimonia de surandada di diploms, a chëra che al á tut pert i ex-studënc y studëntes cun sü familiars. En referimënt ala Hofburg, á Videsott recordé che un di maius abitanc dla storia é sté le scienzié y teologh Nicolaus Cusanus: “Laota â Cusanus studié al’Université da Padoa, che ê öna dles plü valoroses d’Europa. Studiass pa daldedaincö Cusanus a Porsenú? I arati porpi de sce!"