La Usc di Ladins

Hansi Comploi á dé jö la presidënza dla uniun Teater La Pli l’ann passé. Al á cunté de düc chisc agn, da laota incá, canche le paisc â ciafé le Salf dles Uniuns cun la paladina y i locai por le teater. Hansi Comploi dij che le teater á na funziun soziala y comunitara por le paisc d’La Pli, y dantadöt ince la funziun formativa da adoré y déinant ti toc presentá n bel ladin marou.

Vintot teatri, la maiú pert da rí

La Usc: Hansi Comploi, chisc dis él indô teater a La Pli, do n gröm d’agn zënza to aiüt. Tan da ’ncrësce é pa chësc?
Hansi Comploi: "Sce i dijess che chësc n’é nia incherscior, mintissi. Al é bëgn n pü’ feter da jí a teater impede da fá teater. Mo döt mëss jí do so tru, y chësc é dërt. Ciaran derevers él da dí che iö â ciafé laota l’inciaria da mené le Teater da Heinrich Willeit da Cianoré, che ê sté presidënt dodesc agn alalugnia, recordan iince chi sis agn dal 1974 al 1980, olache al n’é nia gnü fat teater a La Pli ajache al ê gnü la scolina te scora basite. An pó bëgn dí che Heinrich â spo dl 1980 re-fondé le Teater La Pli, ci che n’é dessigü nia sté tan saurí. Dl 1992 spo, te na sentada dl Teater tla ostaria de Vila a Curt, m’â Heinrich surandé chësta inciaria da presidënt, ci che i á desfiré – i arati bun – por 30 agn alalungia, cina dl 2022, l’ann passé."


Liede inant deplü tla ediziun atuala de La Usc di Ladins!