La Usc di Ladins

Al é sté na serada sot la merscia di fac dles veres che l’Europa y le monn mëss tres ciamó soporté ince te nüsc tëmps, fac interpretá y trasmetüs tres na musiga contemporana che te fej gní pel de iarina por döta la dorada de 90 menüc. La composiziun nöia de Vadim Neselovskyi (la secunda opera de chësta sort, do süa solo-suite dedicada a süa cité de nasciüda y enfanzia »Odesa«) é – desche al dij instës – na reaziun personala ala invajiun agressiva dla Ruscia ala Ucraina y ala vera che ne dá nia ciamó tria. La suite tól ite na desëna de movimënc che ilustrëia i fac y dates storiches, al cunta instës: »L’agresciun militara é piada ia en chël de di 24 de forá 2022. Iö ê a New York, y no iö no i atri mi compagns cherdô ci che al sozedô: la Ruscia ê sbrocada ite tla Ucraina cun panzeri y soldas. Y ên fora de n aiet descedá te n bur’ som, che ê indere real, y n monn nü.« Vadim Neselovskyi cunta che do chisc fac él sté amatí y scioché por trëi edemes alalungia: al ne sonâ nia, al ne laurâ nia, al ê ma plü taché al telefon y liô les notizies che rovâ adalerch.

Liede inant deplü tla ediziun nöia de La Usc di Ladins!