La Usc di Ladins

En chësc ann tól pert l'assoziaziun CIRS, l'assoziaziun Hands, la cooperativa CLAB, le Zënter de Training Profescional BTZ y i laboratori Il Ciliegio, Roma y Windrose dl’Aziënda Sorvisc soziai da Balsan. "Chësc marcé da Nadé é tres n momënt adaté por sintí le Nadé y jí tl dialogh cun i atri" á alzé fora l'assessuria al Sozial Waltraud Deeg tratan la daurida dl marcé da Nadé "Miteinander Füreinander Weihnachten – Facciamo insieme Natale".

Tl Südtirol él 47 sorvisc por l'ocupaziun laurativa, de chisc 40 de publics y 7 de privac. Tl 2022 él gnü impegné te chisc sorvisc 920 porsones cun dejabilité, maraties mentales y dependënzes. La Repartiziun politiches soziales pita n sostëgn finanziar a chëstes ativités. Sön n total de 79 cooperatives soziales dla sort B, é 42 cooperatives gnüdes sostegnides cun 3,7 miliuns de euro por l'inserimënt lauratif de 525 porsones cun dejabilité.