La Usc di Ladins

Oramai conesciunse la situaziun tles strotöres soziales, dantadöt por ci che reverda la ciarestia de personal. Porchël é vigni forza bëgnodüda, vigni aiüt vëgn tut sö cun brac daverc. Insciö ésera ince te Ciasa de palsa a San Martin de Tor, olache al é gnü pormez l’ann passé de setëmber döes jones todësces – Flora Kreutzer y Carla Weiss – che á do la scora tut la dezijiun da fá n ann sozial foradecá. Döes jones da sorëdl, che s’la rí gonot, che te taca la buna löna. Na contentëza che vëgn da daite y che vëgn ince alimentada tres danü dala buna atmosfera y dala gran ospitalité che ares á ciafé tla strotöra instëssa. En chësc de s’unse incunté para, por les damané co che ares é rovades chiló da nos, ci che ares fej avisa y sambëgn co che ara ti büta. Bele do cater mëisc tireres na conclujiun tlera: fá na te’ esperiënza é n arichimënt por la vita.

La intervista podëise lí t’La Usc di Ladins di 12 de jená  (Intervista: Pablo Palfrader)