»Se te ès sconet n recort, la cianzons les lo troa«, l é con chest dit che l Comun General de Fascia, la Scola de Musega Il Pentagramma e la sociazion Rencureme se à metù adum per endrezèr n bel event.
La scomenzadiva é nasciuda tel chèder del Pian Trienal per l svilup de na comunanza amica de la persones con demenza e la se à leà ite al rich program de la Rassegna d’aisciuda de la Scola de Musega »Il Pentagramma«. L laboratorie folk coi orghegn da mantech sot la direzion del maester Daniele Girardi darà l met, apede che de se goder de bela musega, ence de pissèr a coche la musega pel esser n strument de stimolazion e sosedèr i recorc te la persones che veit smendrèr sia capazitèdes del cef.
L conzert, che à per titol »La conties de la musega«, l é en program en sabeda ai 18 de mé da les 17:30 tel teater parochial de Poza e sarà ence l’ocajion per la consegna da man de la Sociazion Rencureme del pest al volontariat en memoria de Fabrizio Demartin.
Se te ès sconet n recort…
Istituzions, volontariat e musega adum contra la demenzes te n bel conzert/event dal titol »La conties de la musega«
Galaria retrac
View the embedded image gallery online at:
https://www.lausc.it/valedes-ladines/fascia/27149-se-te-es-sconet-n-recort#sigProId693af767b8
https://www.lausc.it/valedes-ladines/fascia/27149-se-te-es-sconet-n-recort#sigProId693af767b8