La Usc di Ladins

Canche al é n iade Jöbia Grassa, spo vëgnel indô trat fora i guanc y les mascores, o che an pó finalmënter mostré i guanc che an á arjigné cun gran lezitënza tles edemes denant. Deplü é stades les pices o gran defilades metüdes a jí te chësc de. I sun storc pro danmisdé a Al Plan, olache döta la scora elementara s’á metü sön tru en mascora, por fá la roda dl paisc te na gran bisca da corú y rové ia sön plaza de scora cun n bun crafun da Carlascé. Domisdé i ára toché a chi da San Martin de Tor, olache le grup dles families á invié a na picia defilada da Ciasa de palsa demez. Impröma é la comitiva mascherada n iade storta pro te Ciasa de palsa a i fá na ligrëza a berbesc y mëdes, por s’la spaziré dedô fora por Chi Pinîs, olache i mituns â arjigné de bi dessëgns. La festa é jüda a piz tl salf di stödafüch cun valch de golus da mangé y na picia lotaria.

Deplü sön le Carlascé ciafarëise t’La Usc stampada dl edema che vëgn  (pablo)