La Usc di Ladins

Assisi é na picia cité dër sugestiva dl’Umbria che s’erj sön n col incertlé dala val spoletana.
Assisi é sinonim de spiritualité, n post che trasmët pêsc y trancuilité, mo ince la richëza dla scemplité. Chësta cité inviëia vignun y vignöna da se dé jö plü a funz cun se instësc y cun i temesc essenziai dla vita.
Scebëgn ch’ara n’é nia tan dalunc da nosta Val Badia, él sciöche sc’an rovass te n ater monn, olache an se desmëntia dl tëmp y di crüzi dla vita da vigni de. Insciö podesson descrí chësta cité che ti á daurí les portes por n valgügn dis al grup de apresciapüch 30 porsones, danter insegnantes y insegnanc atifs, en ponsiun y acompagnadus, che á tut pert al iade organisé dal’UML – Uniun Maestri Ladins.
Chisc é gnüs acompagná da Christian Ferdigg, che á instës vit y studié a Assisi por cin’agn alalungia. Al conësc dër bun y é dër afezioné a chësc post.

Deplü podëise lí t'La Usc di Ladins di 26 de messé  (Elena Frenademetz)