La Usc di Ladins

Tl salf Franz A. Rottonara a Corvara é en sabeda ai 24 de ma rová adöm i zitadins por ascuté sö bëgn döes musighes; n iade chëra di jogn »The Groovy Wind Band«, sot ala bachëta dl verdajogn Michael Pescolderung, y dedô la Müjiga Calfosch­Corvara, sot ala direziun de Gerhard Mohr.

N gran lalt i él gnü fat ala musicontra jona Iris Mersa, che á tl’ultim ann arjunt la medaia de prestaziun d’or, che ara á podü pié do en chësta ocajiun. Lapró él ince gnü premié d’atri musicontri jogn cun le diplom por la medaia de prestaziun de brom: Kathrin Valentin al fabló, Alex Pitscheider ala posauna, Moritz Pescolderung ala bateria y Elias Mersa, en chësc iade sön la tuba en F, do avëi bele arjunt la medaia d’or cun la tuba en B. Armin Costabiei, che á l’ann passé stlüt jö la forma­ ziun da mënamaza, á en chësta sëra pié do le diplom da pert dl surastant di mënamaza dl raiun de Puster Franz Plangger.

Al é ince gnü surandé n valgönes onoranzes por i tröc agn de ativité tla uniun. Lisa Declara á podü pié do chëra de brom por 15 agn de ativité, Michael Moling y Heinz Pezzedi chëra d’arjënt por 25 agn de ativité, Harald Dapunt chëra d’or por 40 agn de ativité y Raimund Irsara é gnü onoré cun la medaia d’or por 50 agn de comembranza.


Liede inant tla ediziun nöia de vëndres, ai 6 de jügn!