La Usc di Ladins

Cun chësc vëndres ai 13 de jügn mët man ofizialmënter la festa por i 100 agn di Stüdafüch da La Ila – na festa che jará spo inant cun n program rich y desvalí cina en domënia. Por tigní toch chësc centená de storia y nia ma, á la uniun orü dé fora ince na publicaziun nöia. Ara se trata dl liber »100 Agn Stüdafüch La Ila«, che gnará presenté en vëndres dales 17:00, tla Ciasa dla Cultura. Feter 400 plates por ladin, talian y todësch, olache an vëgn lassura de vigni sort sön la storia dla uniun, che é ala fin ince n toch de storia dl paisc. Storia di stödafüch, so magazin, i intervënc, comandanc y comités, mo ince con cursc, manifestaziuns de tëmp lëde y cotan d’ater. Na storia da lí y dantadöt ince da odëi, tla gran cumpëda de retrac storics y d’aldedaincö. Auturia dla publicaziun é Daria Valentin da Badia, che nes á cunté bele danfora n valgönes coriosités.

La intervista podëise lí t’La Usc di Ladins di 13 de jügn  (Intervista: Pablo Palfrader)