La Usc di Ladins

»I mesi da soi no i fasc nia, ge vel ence le persone«. L é n conzet che l é stat dit più oute en domenia ai 8 de jugn a la festa per i 70 egn di Pompieres da Soraga e per l nef meso en dotazion del grop.
Duta la comunanza se à strent dintorn a si volontadives dant te la messa grana ofiziada da don Andrea Malfatti e la benediscion del nef meso de polisocors e do per i descorsc e la festa te Pra del Preve, olache l Comitat manifestazion à endrezà ence na bona marena compagnada da la musega di VolxAlp. 
70 egn de vita e de atività de n grop de volontadives vel dir pascion, sacrifize, empegn, vel dir valores che é stac passé da chi che à tacà via e ades ge lascia l testamonech ai joegn. L grop di Studafech de Soraga l dombra 29 efetives e 5 arlieves che enstadì era cercené da n bel grop de ex pompieres e da la nona Maria Pellegrin.

Se pel lejer dut su La Usc nr 22 dai 13 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)