La Usc di Ladins

Ciamó cina ai 13 de jügn é la strada de Arparora sarada deplëgn al trafich. Ara é bele gnüda stlüta ai pröms d’aurí, por podëi jí inant plü debota cun i laurs de ressanamënt danter Armentarola da San Ciascian y le confin cun la provinzia de Belun. Sëgn rovunse indere tla sajun da d’isté y en sabeda ai 14 de jügn vëgn la strada indô daurida – avisa sciöche al ê gnü preodü. Y chësc ince sce le tëmp n’á nia dagnora daidé para tles ultimes edemes. I laurs mëss indere impó jí inant, porchël gnará le trafich regolé cun sëns unich alterné. Al vëgn invié i ciafers da mëte averda ales tofles de segnalaziun y da respeté les diretives di lauranc söl post.  (pablo)