La Usc di Ladins

»Podon esser stolc de chel che fajon te nosc picol. Volon rengrazièr per chest dalbon duta la persones che ne à dat na man« disc Serenella Manfroi. A la fin de mèrz la é jita tel Senegal ensema a sie om Piere e a sia amica Francesca. I é jic ju te l’Africa per jir a troèr n amich de familia, Bruno, che l à na picola firma con 6 lurieranc che va a ciavèr poz per chierir l’èga. Dant de jir ju, la ge à telefonà per ge domanèr se i aea debesegn de vèlch: »Chisc bec à besegn de roba de scola e per l orfanotrofie, olache i é proprio picoi picoi« ge à dit Bruno. Embendapò i à binà ensema na valisc de guants e massaries e da la Cassa Rurala i à ciapà ciapie, codejie, biro e lineai per i scolees. »Ge aon portà chel che aon podù – ne conta Serenella – ge aon lascià ju dut chel che podane, ence nesc ciuzé.

Se pel lejer dut su La Usc nr 21 dai 6 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Nico)