La Usc di Ladins

Do aer renovà sie diretif, che veit ades apede al nef president Gaetano Rasom i doi vizepresidenc Roberto Ongari e Donato Scola e i conseieres Enzo lori, Alessandro Carpano, Daniele Deluca e Gino Defrancesco, l Hockey Club Fascia Falcons va inant con gaissa tel endrez per peèr via con pe dret l campionat. 
Te chest percors enstadì l é stat sotescrit na cordanza anter la sozietà fascèna e chela de Gherdena. 
I doi president Gaetano Rasom e Walter Ploner à palesà sia sodesfazion per aer confermà per la sajon 2025/2026 e ence smaorà na cordanza che era jà metuda a jir tel campionat passà e che pel fèr crescer la ocajions per la sozietèdes e per i atlec.
Con la neva normes de la Federazion i jiadores Under 24 i podarà passèr liberamenter da la squadres del campionat de AlpsHL de la Furies de Gherdëina a cheles de IHL di Falcons de Fascia e a la squadra de de IHL Division 1 del HCG. Chesta, descheche vegn sotrissà dai dirigenc, l é na gran oportunità per chisc jiadores de poder crescer, jièr de più e se confrontèr te trei categories desferentes.

Se pel lejer dut su La Usc nr 22 dai 13 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (LG)