Dai 16 nchin ai 27 de juni fajeràn lëures sun streda; l asfalt unirà metù ju da nuef. Chësc ie debujën ajache n à metù ju i cabli de strom. L tòch ie danter l chilometer 2+000 y 5+000 dl Chemun de Sëlva.
Ai 16 y ai 17 de juni saràl semafri o lauranc de streda che regulerà l trafich. Dai 18 nchin ai 27 de juni (mé nia de sada y de dumënia) sarà la streda cumpletamënter śareda dala 8 daduman nchin la 6 da sëira. L diretëur dl Servisc dla stredes Salten-Scilier Marco Losso à dit: "L ie debujën de śare la streda, ajache chësc tòch ie do la rata strënt y n ne sarà nia boni de lauré sce i veiculi passa mpo mo".
La desviazion unirà fata sun la streda dl Prëner, la stredes dl Puster y dla Val Badia o sun la streda SS242 de Gherdëina che porta sun Jëuf de Sela.
Asfalt nuef sun la streda statela dl Jëuf de Frea
Pert dla streda statela SS243 dl Jëuf de Frea unirà asfalteda da n lunesc ai 16 de juni nchin a n vënderdi 27 de juni
Galaria retrac
View the embedded image gallery online at:
https://www.lausc.it/valedes-ladines/gherdeina/29739-asfalt-nuef-te-selva-de-viers-dl-jeuf-de-frea#sigProIdfba66df9de
https://www.lausc.it/valedes-ladines/gherdeina/29739-asfalt-nuef-te-selva-de-viers-dl-jeuf-de-frea#sigProIdfba66df9de
