La Usc di Ladins

Cun le mëteman dl ann de scora 2025/26 gnarál a s’al dé mudaziuns importantes te deplü direziuns scolastiches dla Val Badia. La direturia dles Scores altes da La Ila Elena Pellegrini lascia la direziun y passa ala Direziun provinziala Scolines y Scores ladines, olache ara sará referënta por l’inclujiun. So post gnará surantut da Monika Senoner, che é atualmënter pröma colaboradëssa dla direziun raionala de Urtijëi, olache ara insëgna ladin. Tla direziun raionala de Badia él la direturia Claudia Canins Egger che vá en ponsiun. So post gnará porchël surantut da Ivan Senoner, insegnant de ladin tla direziun raionala de Sëlva. Ala fin ciamó la direziun raionala d’Al Plan, olache Ludwig Rindler â ciafé la inciaria da diretur por n ann, do che le diretur Heinz Videsott ê gnü intendënt. Iló él Gustav Frenademez da La Ila che surantol la direziun. Frenademez é al momënt insegnant de cunc y sciënzes tla scora mesana da San Martin.

Deplü podarëise lí t’La Usc stampada te otedé  (pablo)