La Usc di Ladins

Cers amisc y benefaturs. De regola scrii noeles positives da nosta misciun, mo en chësc iade ves informëii de n evënt ezezional che é sozedü dan püces edemes y nes sforza da vire te na situaziun dër precara, mo che nes fej partí ciamó deplü la vita dla jënt scëmpla. Por fortüna se stunse düc bun de sanité y de spirit, y chësta é la cossa plü importanta por porté inant nosta misciun de evangelisaziun danter le popul di Nuer tl süd dl Sudan.
La sabeda sëra ai 30 d’agost, por gauja dl inalzamënt dles eghes dl Nil, s’ál rot n sbaramënt dla diga de Old Fangak. Döta la cité é rovada sot ega y chësc á gaujé na inondaziun catastrofica. Le sbaramënt á dé do, do che i volontars dla comunité dl post â porvé döes ores alalungia da fá pro na sfënta. L’ega á defata inondé la cité, sforzan i residënc da sciampé sön i tëc dles ciases o da se mëte al sigü tles sperses plü alalt. Ince nos sun jüs sön tët de nosta ciasa y un ciaré da mëte a saul nostes cosses personales y mangiaria, aspetan da gní evacuá.
Les scuadres de "Medici Senza Frontiere" (Doturs Zënza Confins) á colaboré cun les autorités dl post por les evacuaziuns, ché é jüdes inant por plü dis. Les porsones salvades, danter chëstes tröpes ëres y mituns, é gnüdes condütes tles cités vijines de Toch y Paguir, che é manco atocades dales agajuns. Ince nosta comunité religiosa é sëgn a Paguir, che é za. 45 menüc de barca a motor dainciará da Old Fangak.

Döta la cherta de siur Stefano ciafëise t’La Usc di Ladins di 3 d’otober, olache al fej ince n apel de aiüt por n proiet de prescia