La Usc di Ladins

Tan de mutons y mutans de Gher­dëina arà pa bele fat damat sentei pra na pitla mëisa fata tla Locia? Tla berstot dla strutura per persones cun dejabiltà a Urtijëi »Locia« vëniel laurà scialdi via per dut l ann. Tla tislaria y ti autri lauratueresc de chësta strutura vëija la lum de biei pec, pec che n possa adurvé, coche per ejëmpl casses de lën, bagli da fé damat, gurmiei, cëiresc ... L se trata dut de cosses che n ne compra no mé per fé dl bën, ma nce ajache les plej. Perchël fòvel ntan i dis dl marcià da Nadel dla Locia, chësc ultim fin dl’ena, truepa jënt che à cumprà vel’ pez, nce zënza savëi chi che l à fat. 

Tl self dla mostres dl Circolo a Urtijëi fòvel n drë’ birbl de jënt y turisć, che jiva ite y ora cun velch tla man.

EK

L articul tla edizion atuela de La Usc di Ladins.