La Usc di Ladins

»Na esperienza bela, enteressanta e no da duc i dis.« Coscita à dit i scolees de la quinta A de la scola populara de Poza che é rué te redazion de La Usc. »Noi aane jà cognosciù mingol de La Usc te scola con la maestra Claudia Costa, però vegnir te redazion l é stat na emozion unica. L é stat n muie bel rejonar con le giornaliste e saer da ele i secrec e le regole del mestier. Ne saessa bel colaborar e vegnir te redazion a scriver valch. No sion duc ladins ma aon entenù la beleza de La Usc di Ladins« à dit Aurora, Nathan, Andreas, Nicholas, Lorenzo, Danilo, Gioele, Mario, Riccardo, Cristian, Samuele, Nicole, Stella Joy e Alessia.