La Usc di Ladins

Tl cheder de süa autonomia, pó vigni istitut scolastich integré l’oferta formativa cun ativités didatiches y materies d’insegnamënt aratades particolarmënter interessantes, ütles por le suzes formatif de sü scolars y scolares y adatades al contest sozio–cultural dl teritore.
Les Scores Altes da La Ila á bele ti agn passá metü a jí proiec teatrai, olache studënc y studëntes á porté sön paladina operes dl’antichité classica y dl renascimënt, sciöche la tragedia "Prometeo incatenato" de Eschilus, le "Edipo re" de Sofocles, la comedia "Casina" de Plautus y la comedia "Mandragola" de Machiavelli.
A La Ila vá insciö la tradiziun inant cun entusiasm y convinziun, tan che an oress rové a fá deventé le teater öna dles mersces che caraterisëia l’oferta formativa dl Lizeum. La lîta por le toch teatral da imparé ite chësc ann é tomada sön "Medea" de Euripides, n’opera scrita l’ann 431 dan Gejú Crist, mo che mostra sö döta süa atualité y süa gran potenzialité de interpretaziun.

Deplü ciafëise t’La Usc di Ladins di 13 de novëmber