La Usc di Ladins

Tla Scola Mesana de Sëlva ti à la tlas 1B prejentà a si genitores y a si nëinesc n proiet drët garatà.
L’ega, chëla ressursa mpurtanta, ma mpo nia vijibla ti uedli de trueps. Canche se tulon na bocia ora de spina o canche se puzenon i dënz: chi se rënd pa cont cieche uel perdrët dì avëi de bona ega? N bën tan basiler per nosta sëuravivënza y per chëla de nosc planet, ma che manacia suvënz de unì cunscidrà zeche de logich per nëus, che on la fertuna de n avëi assé y de ne messëi nia fé chilometri a pe per pudëi la giapé, coche l suzed te vel’ nazion tl’Africa. Un di cater elemënc dla tiera de chël che l vën truep rujenà te chisc ultimi ani, dantaldut ajache la cuscienza culetiva se à finalmënter descedà, do che l ie unì purtà sun mëisa for plu y plu suvënz i priculi che manacia de desdrù nosc ecosistem.

FOTO: Vijita ala funtanes dal’ega sun Jëuf de Frea cun l polizai de Chemun Klaus Mussner.

Deplù tla edizion stampeda di 20.12.