Ot infeziuns nöies tles scores ladines

Data

12 de jené 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’edema passada él gnü registré tles scolines y scores ladines de Südtirol indöt ot infeziuns nöies de Sars-CoV-2
Al é i dac referis ala spana dai 4 ai 11 de jená 2021, lasciá al savëi dal’Intendënza Ladina. Nia lapró n’é i caji de positivité danter i jogn y les jones tles scores altes che n’â por mirit de leziun a destanza nia le dovëi da lascé al savëi ala direziun de scora na infeziun eventuala.

I ot caji te scora é metüs adöm insciö: da 3 caji tles scores elementares (2 caji danter scolars y 1 caje pro na porsona insegnanta), da 1 caje danter i scolars dla mesana y da 4 infeziuns nöies pro scolars profescionai y de scores altes.
Indöt él gnü scrit dant 29 carantenes: 5 por le monn dles scolines (3 mituns y 2 porsones insegnantes), 11 tles scores elementares (10 mituns y 1 forza d’insegnamënt), 7 por les mesanes (sis scolars y 1 forza d’insegnamënt) y 6 tles scores altes (döt studënc/tes).  (Iaco Rigo)