La Usc di Ladins

L president dla FUEN Loránt Vincze à volù se tò dlaurela per chesta enconteda con la presidenta dla Union Generela di Ladins dla Dolomites, soula organisazion culturala y soziala che abracia duc i ladins entourn l Sela y dà fora – anter d’autres publicazions – dal 1972 encà l foliet »La Usc di Ladins«. L’Union Generela di Ladins dla Dolomites fej pert dla FUEN y é ence ativa tl grup de laour »Non Kin State«. Vincze instes é da ciasa tl grup de lingaz y cultura ungareis dla Romania, al à 43 agn y é tl Parlament Europeich per la »Union democratica di Ungareisc tla Romania«. Al rejona dlongia a plu lingac ufiziai tla Romania ence bon talian. La session »zoom« anter l president dla FUEN Vincze y la presidenta dla UGLD Mussner é vegnuda organiseda y cureda da la colaboradoura dla FUEN Jenni Jones.

Liejede do de plu tla edizion stampeda atuala de La Usc di Ladins y sun https://lausc.it/abonament-e-paper-la-usc-di-ladins  (Iaco Rigo)