La Usc di Ladins

Al é tradiziun che l’Intendënza ladina da Balsan ti reconësc i tröc agn de laur y de crüzi a maestres y maestri canche al é dan porta le tëmp de ponsiun. Insciö él ince indó garaté en mertesc, l’ultim de d’agost 2021, na festa plajora y ince n püch inchersciora, por na desëna de insegnantes y insegnanc, cun ala pert ince la direturia de scolina Hannelore Insam y i ispeturs Carla Comploj y Iaco Frontull. 
De 15 maestres y maestri án podü nen saludé bëgn 12. Danfora él gnü le salüt de bëgnodü da pert dl diretur »patrun de ciasa« Heinz Videsott, spo dla Intendënta ales scores ladines de Südtirol Edith Ploner y ince dl assessur ala scora y cultural ladina Daniel Alfreider. 

I reconescimënc piá do 

Roswitha Tomasini, Irene Canins, Cecilia Clara (Scolina); Monica Castlunger, Maria Rita Mitterrutzner (Direziun raionala de Badia); Jep Agreiter, Iaco Frontull (Direziun raionala d’Al Plan); Ulrika Mauroner, Michaela Sotriffer (Direziun raionala de Urtijëi); Thea Blaas (Lizeum d’Ert de Urtijëi); Hannelore Insam (Direziun dles Scolines); Carla Comploj (Inclujiun y Consulënza) 

Le foliet »La Usc di Ladins« portará deplü söles premiades y i premiá tla ediziun da indoman, vëndres ai 3 de setëmber, y spo plü tl detai te otedé, ai 10 de setëmber 2021!  (Iaco Rigo)