La Usc di Ladins

Dant da puech él rové adum l consei de souravaleda dla SVP Ladina. Te chesta senteda, pro chela che al fova prejent ence l president dla jonta provinziala Arno Kompatscher y olà che al é vegnù sotrissé da duta canta la radunanza la volonté da jì inant tl segn de na stabilté y continuité, nen jìvela dantaldut dles nominazions per les enciaries plu autes di:dles Ladins:es tl SVP. Al é vegnù confermé l vizesourastant ladin de partit Daniel Alfreider. L president dla Jonta Provinziala à dit te si descurs che "Alfreider é n garant per na bona raprejentanza di interesc dl grup linguistich ladin, dles scoles ladines y dla cultura ladina tl govern provinzial. Ma ence per Sudtirol àl propi tl ciamp dla movibelté da gorné na situazion dret incompra, y al laoura, scebenche al é truepes dificoltés, dret consecuent, y chier tresfora soluzions per les infrastrutures y la movibelté.

Liejede do de plu tla edizion nueva de La Usc di Ladins che vegn fora dodoman!

Sun l retrat:
Ladines y Ladins de Gherdeina y dla Val Badia tla SVP Ladina. Da man ciancia: Klaus Kastlunger, Heinrich Huber, Walter Alfarei, Richard Nagler, Patrick Bergmeister, Stefan Valentin, Arno Kompatscher, Lara Moroder, Daniel Alfreider, Manfred Vallazza, Felix Ploner, Susanne Talmon, Silvio Stuflesser, Alex Perathoner, Johann Complojer, Alberta Tamers, Debora Vinatzer, Iaco Frenademetz. foto: svp