La coaliziun de zënter/man ciampa é batüda a tera do chëstes lites politiches. Ci che dij döt de chëstes lites politiches é che al post dl minister atual Luigi Di Maio, gran davagnadú dles lites politiches dan 4 agn y tomé sëgn te "süa" Napoli, röia tl parlamënt indô Silvio Berlusconi de "Forza Italia".
Le partí postfascist de Giorgia Meloni pé avëi la strada daverta da governé a 360 degrá. Al plü pó dlungia a Meloni festejé i "5 Stëres" cun le leader (ex premier) Giuseppe Conte che arjunj le 15,42% dles usc tla Ciamena sciöche terzo partí do FdI y PD.
Intratan analisëia la Lega cun Salvini y Zaia coche ara á podü jí da perde tan tröp terac tl Nord a bëgn de "Fratelli d’Italia".
La stabilité por n govern pé naota dada sëgn, altamo söl papier. I odarun tan sterscia che la coaliziun de zënter/man dërta é internamënter, por mëte sö n govern stabil y davert ince al estern, ajache defora da porta él pa l’Europa, che é responsabla de gran pert dles leges y diretives dla vita y pratica cuotidiana.
Pröma presidënta tla storia?
Giorgia Meloni stradavagna les lites 2022 y se damana le tomun dl ciar dl govern nü. "So" partí postfascist "Fratelli d’Italia" é al pröm post tla Talia (cun le 26% tla Ciamena). Y la coaliziun de man dërta röia al 42,91%. La coaliziun Meloni-Salvini-Berlusconi á la maioranza te trames les ciamenes
Galaria retrac
View the embedded image gallery online at:
https://www.lausc.it/atualite/21078-proema-presidenta-tla-stori#sigProId7671d26799
https://www.lausc.it/atualite/21078-proema-presidenta-tla-stori#sigProId7671d26799
