L liber de storia de l’Euregio »Tirolo Alto Adige Trentino. Uno sguardo storico« l é l prum tratat storich che tol ite i trei raions, lurà fora da n comitat scientifich sora la seides e sot l endrez del storich Carlo Romeo. Do da l’ultima stampa del 2014, l é vegnù fora da pech na neva edizion, con vèlch neva enteressanta. Anter chestes n aprofondiment su Michael Gaismair, l comandant di bachegn che era a cef de la insurezion del 1525, e n nef capitol metù ju dal Secretèr generèl de l’Euregio dintornvia i 10 egn del GECT, n con studie avisa sun doi projec de maor emportanza per ogne an, dal 2012 enscin anchecondì.
La neva edizion é stata prejentèda en mèrtesc ai 25 de otober te Ciasa Maggioli, la senta de l’Euregio tel Trentin. L lurier l é stat portà dant dal autor dessema con Giuseppe Ferrandi, diretor de la Fondazion Museo Storich del Trentin e Elisa Bertò del Ofize Euregio de Trent, duc doi membres del grop de lurier sora la seides de ‘Euregio sulla Storia’.
De più su La Usc stampèda de vender ai 18 de november.
Te n liber la storia de l’Euregio
Na neva edizion de la publicazion che conta la storia del Tirol storich coi projec metui a jir anter i trei raions.
Galaria retrac
View the embedded image gallery online at:
https://www.lausc.it/atualite/21704-te-n-liber-la-storia-de-l-euregio#sigProIdc69a46f888
https://www.lausc.it/atualite/21704-te-n-liber-la-storia-de-l-euregio#sigProIdc69a46f888
