La Usc di Ladins

Strategies per emplenì la locia anter aspetatives y traverc de sostenibelté y sia atuazion efizienta. Modiei matematics y machine learning, tres chi che an pò otimisé l’efizienza dl reforniment d’ega. Panei acustics inovatifs de cianapia che vegn da na produzion con consum bas de ressorses y pita ence n livel aut de sconanza da meldefuech. Chisc contribuc encer la transizion ecologica é l resultat dl laour di prums trei davagnadours di doi pesć nuefs: l Pest a la Enrescida per la Sostenibelté y l Pest Inovazion per la Sostenibelté. Entrami vegn finanziés da la Fondazion Cassa dl Sparagn y da la Cassa dl Sparagn de Bulsan y vegn scric fora tres la Università Liedia de Bulsan. L’obietif é chel de premié enrescidours y imprejes dl Südtirol che s’à desfarenzié per si resultac scientifics straordinars o per soluzions, produc o servisc inovativs encer la sostenibelté. Per la pruma edizion é i doi pesć – dotés con 10.000,00€ perom – vegnus sourandés adum; tl davegnì vegnirà l Pest a la Enrescida per la Sostenibelté sourandé ti agn per y l Pest Inovazion per la Sostenibelté ti agn desper.

Deplù sun i pesć y i premiés podeise lieje tla Plata Université d’La Usc di Ladins