La Usc di Ladins

Dal vangele do san Mateo 16, 21–27 

En chi dis á Gejú metü man da ti splighé a sü discepui, ch’al messâ jí a Ierúsalem y s’un doré tröp da pert di plü vedli, di gragn proi y di studiá dla lege, che al gnô copé, mo che al ressorî le terzo de. Dailó l’á Pire tut da na pert y á metü man da ti trá dant, dijon: »Chësc dess Idî evité, Signur! Chësc ne pó nia sozede cun te!« Mo Gejú s’á ót y ti á dit a Pire: »Vátun demez da me, satana! Tö ós me fá tomé; tö ne n’as nia imënt ci che Dî ó, mo ci che la jënt ó.« Spo ti á Gejú dit ai discepui: »Chël che ó ester mi discepul, s’un desdijes de se instës, toles süa crusc sön ël y me vëgnes do. Deache chël che ó salvé süa vita, la pordará; mo chël che perd la vita por mia gauja, la davagnará. Ci ti joel pa a n chestian, sc’al davagna döt le monn, y perd lapró süa vita? A ci prisc pó pa n chestian cumpré derevers süa vita? Le Fi dl Om gnará cun sü agnui tla gloria de so Pere y ti retará a vignun, sciöche sües opres s’al mirita.« 

Parora dl Signur. – Lalt a te, Gejú Crist!