La Usc di Ladins

Indoman ésera tan inant, al mët man la scora te Südtirol.
Indöt avisa 90.958 mituns y mitans y jones y jogn se metará sön tru por n ann scolastich nü tla scolina, scora elementara, scora mesana, scores altes y scora profescionala.

3.017 é les scolares y i scolari tles scolines y scores ladines: 597 tles scolines, 1.183 tles scores elementares, 664 tles scores mesanes y 538 tles scores altes a Urtijëi y a La Ila. La scora profescionala por l’artejanat artistich a Urtijëi vëgn frecuentada en chësc ann 2023/24 da indöt 35 jones y jogn.