La Usc di Ladins

Da mez jená dl 2023 inant ti él rové ala Zentrala di Consumadus Europeica (ZCE) Talia dër tröpes segnalaziuns de consumadësses y consumadus che â tut l'autostrada tl’Austria y á dedô ciafé da paié dac sostitutifs da pert de Asfinag – la sozieté conzescionara dles autostrades austriaches – o propi de dërtes straufunghes da pert dles autorités locales. Les esperiënzes y les informaziuns abinades adöm da elaboré n numer tres maiú de reclamaziuns, en colaboraziun cun la Zentrala di Consumadus Austria, á porté ala realisaziun de n pice sfëi cun indicaziuns dër de ütl y consëis informatifs por dötes les porsones che vá cun l’auto sön les autostrades austriaches y ó schivé da ciafé na straufunga canche ares röia a ciasa, o sambëgn ince por che che n’á bele ciafé öna y ne sá nia ci fá. Chiló él le link por desćiarié les indicaziuns: https://www.euroconsumatori.org/it/download/extt0Z7kx.pdf